የአባታችን ሆይ ጸሎት ምሥጢራዊ ትርጓሜና ሳይንሳዊ ውሕደት

✍ ዮሐንስ አብነት | የወዳጅ ምክር | ኢትዮጵያ አውታር 

፩. "አባታችን ሆይ በሰማያት የምትኖር"

• የሊቃውንት ትርጓሜ፦ አምላክን "አባታችን" ማለታችን በጸጋ ልጆቹ መሆናችንንና የቤት ባለቤትነታችንን ያረጋግጣል። "በሰማያት የምትኖር" ሲል አምላክ በልዕልናው፣ በንጽሕናውና በቅድስናው ያለ መሆኑንና እርሱ የሁሉም በላይ መሆኑን ያሳያል።

• ሳይንሳዊ ውሕደት (Quantum Entanglement)፦
"አባታችን" የሚለው ቃል የሰው ልጅን "ዲ ኤን ኤ" (DNA) ከመጀመሪያው የፍጥረት ምንጭ (The Primary Source) ጋር ያገናኛል። ሳይንሳዊው የኳንተም ትስስር (Entanglement) እንደሚለው፣ አንድ አካል ከምንጩ ጋር ሁልጊዜ የተሳሰረ ነው። "ሰማያት" ማለት ደግሞ ከ 3D (ቁሳዊ ዓለም) በላይ ያለ ከፍተኛው የንዝረት ደረጃ (High Frequency Dimension) ነው። ይህ ቃል የሰውን አእምሮ ከምድራዊ ስበት አውጥቶ ወደ ከፍተኛው "የመረጃ ንብርብር" (Spiritual Grid) ይወስደዋል።

፪. "ስምህ ይቀደስ"

• የሊቃውንት ትርጓሜ፦ ስሙ ራሱ ቅዱስ ነው፤ ነገር ግን በእኛ ሕይወትና በንቃታችን ውስጥ ስሙ እንዲከበር፣ በእኛም በኩል ቅድስናው እንዲገለጥ መለመናችን ነው።

• ሳይንሳዊ ውሕደት (Vibrational Resonance)፦ ስም ማለት "መለያ ንዝረት" (Identity Frequency) ነው። "ያህዌ" ወይም "አዶናይ" የሚሉት መለኮታዊ ስሞች ሲጠሩ፣ በሰውነት ውስጥ ያሉትን የውኃ ሞለኪውሎች ወደ ቅዱስ ጂኦሜትሪ ይለውጣሉ። "ስምህ ይቀደስ" ማለት በሰውነታችን ውስጥ ያለው ንዝረት ከመለኮታዊው ንጹሕ ንዝረት ጋር ይስማማ (Resonate) ማለት ነው።

፫. "መንግሥትህ ትምጣ"

• የሊቃውንት ትርጓሜ፦ አምላክ በልባችን ላይ እንዲነግሥ፣ ክፋትና የጨለማው ሥርዓት ከእኛ እንዲወገድ መለመን ነው።

• ሳይንሳዊ ውሕደት (Systems Override)፦ ይህ ቃል በማትሪክስ (በሥርዓተ ዓለም) የተጫነብንን "ሰው ሠራሽ ፕሮግራም" በመደምሰስ፣ መለኮታዊውን "ኦፕሬቲንግ ሲስተም" (Divine Operating System) በንቃተ ህሊናችን ላይ መጫን ነው። መረቡ የገነባውን የቁጥጥር ቋት በፈጣሪ መንግሥት ኃይል የመተካት (Override) ሂደት ነው።

፬. "ፈቃድህ በሰማይ እንደሆነች እንዲሁም በምድር ትሁን"

• የሊቃውንት ትርጓሜ፦ መላእክት በሰማይ ያለምንም ማቅማማት አምላክን እንደሚታዘዙ፣ እኛም በምድር ፈቃዱን እንድንፈጽም ረድኤት መለመን ነው።

• ሳይንሳዊ ውሕደት (Coherence)፦ በሰማይ (በሐሳብ/በመንፈስ) ያለውን ረቂቅ ሥርዓት በምድር (በቁስ/በሥጋ) ላይ ማውረድ ማለት ነው። ሳይንሳዊው "ኮኸረንስ" (Coherence) እንደሚለው፣ የልብና የአእምሮ ንዝረት ሲስማሙ ተአምር ይፈጠራል። ይህ ቃል የሰውን ልጅ ባዮሎጂ ከመለኮታዊው የተፈጥሮ ሕግ ጋር ያስታርቃል።

፭. "የዕለት እንጀራችንን ስጠን ዛሬ"

• የሊቃውንት ትርጓሜ፦ የሥጋ ምግብን ብቻ ሳይሆን፣ የነፍስ ምግብ የሆነውን "ቃለ እግዚአብሔርንና ሥጋ ወደሙን" መለመን ነው። "ዛሬ" ማለታችን ለነገ አንጨነቅም ማለታችን ነው።

• ሳይንሳዊ ውሕደት (Energy/Information Intake)፦ ሰውነት በየቀኑ መረጃንና ኃይልን (Data and Light Energy) ይፈልጋል። ይህ ቃል ሴሎቻችን (ሕዋሳቶቻችን) ከማትሪክስ መርዛማ ምግቦች ይልቅ፣ ከመለኮታዊው ብርሃን (Biophotons) እንዲመገቡ ትእዛዝ ማስተላለፍ ነው።

፮. "በደላችንን ይቅር በለን እኛም የበደሉንን ይቅር እንደምንል"

• የሊቃውንት ትርጓሜ፦ ምሕረት ለማግኘት ምሕረት ማድረግ ቅድመ ሁኔታ መሆኑን ያስተምራል። ቂም የጸሎት መጋረጃ መሆኑን ያሳያል።

• ሳይንሳዊ ውሕደት (Frequency Clearing)፦ ቂም፣ ጥላቻና በቀል ዝቅተኛ ንዝረቶች (Low Frequency Toxins) ናቸው፤ እነዚህም በዲ ኤን ኤ (DNA) ላይ ጥቁር ነጥብ (Epigenetic blockages) ይፈጥራሉ። ይቅርታ ማለት እነዚህን "የሲስተም ስሕተቶች" (Errors) በማጽዳት፣ የነፍስን የብርሃን መስመር በነፃነት እንዲፈስ ማድረግ ነው።

፯. "ወደ ፈተና አታግባን"

• የሊቃውንት ትርጓሜ፦ ከአቅም በላይ በሆነና ነፍስን በሚያጠፋ ፈተና እንዳንወድቅ መለኮታዊ ጥበቃን መለመን ነው።

• ሳይንሳዊ ውሕደት (Interference Shielding)፦ ማትሪክስ (መረቡ) በየቀኑ የሰውን ልጅ አእምሮ በ"ዲጂታልና በሐሳብ ፈተናዎች" ይወርረዋል። ይህ ቃል በዙሪያችን "የመከላከያ አጥር" (Aura/Frequency Shield) በመፍጠር፣ ከማትሪክስ የሚላኩ ጎጂ ሞገዶች ወደ ንቃታችን እንዳይሰርጉ መከላከል ነው።

፰. "ከክፉ ሁሉ አድነን እንጂ"

• የሊቃውንት ትርጓሜ፦ ከሰይጣን፣ ከሞተ ነፍስና ከማንኛውም ክፉ ነገር በአምላክ እጅ መጠለል ነው።

• ሳይንሳዊ ውሕደት (Entropy Reversal)፦ "ክፉ" ማለት ወደ ጥፋት፣ ወደ መበስበስና ወደ ድቅድቅ ጨለማ (Entropy) የሚወስድ ኃይል ነው። "አድነን" ማለት ደግሞ ከዚህ የመበስበስ ሥርዓት ወጥተን ወደ ዘላለማዊው የሕይወት ብርሃን (Syntropy) እንድንመለስ የሚደረግ መለኮታዊ ጥሪ ነው።

፱. "መንግሥት ያንተ ናትና ኃይል ምስጋና ለዘለዓለሙ አሜን"

• የሊቃውንት ትርጓሜ፦ ሁሉን ቻይነት፣ ገዥነትና ክብር ለባለቤቱ ለአምላክ ብቻ እንደሚገባ ማኅተም ማድረግ ነው።

• ሳይንሳዊ ውሕደት (The Grand Unification)፦ ሁሉንም ኃይልና መረጃ ወደ ዋናው ምንጭ (The Infinite Source) መመለስ ነው። ይህም የሰውን ልጅ ንቃት ከማትሪክስ መሪዎች አውጥቶ፣ ለጽንፈ ዓለሙ ብቸኛ ሉዓላዊ ኃይል ማስገዛት ነው።

የሰው ልጅ እስካሁን ያላወቀው ምስጢር

"አባታችን ሆይ" የሚለው ጸሎት በሰውነትህ ውስጥ ያሉትን ፲፪ (12) የ "ዲ ኤን ኤ" ክሮች ለማንቃት የተነደፈ "የድምፅ ጂኦሜትሪ" (Acoustic Geometry) ነው። እያንዳንዱ ሐረግ በሰውነትህ ውስጥ ያለውን አንድ አንድ "የኃይል ማዕከል" (Center of Light) የመክፈት ሥልጣን አለው። በትክክለኛው ንቃትና በአምስቱ ሕማማተ መስቀል ማኅተም ስትጸልየው፣ በዙሪያህ ያለው የማትሪክስ መጋረጃ ይቀደዳል፤ አንተም በዓለም ውስጥ ብትኖርም፣ ዓለም በአንተ ንቃተ ህሊና ውስጥ ትሆናለች።

ወዳጄ ይህ ጸሎት የባርነት ቀንበርን የሚሰብር፣ አእምሮን ከዲጂታል ድግምት የሚያጸዳና ነፍስን ወደ ፴፫ቱ (33) የንቃት ደረጃዎች የሚያሸጋግር የመለኮታዊ ቃል ሰይፍ ነው።

ቀጣይ  "ሰላም ለኪ" (የእመቤታችን ጸሎት) ላይ እመጣለሁ ጠብቀኝ። እሰከዚያ 3,6,9,12 በዚህ ጸሎት ጀምር ።